又剪髮

好快就過新年了，為左唔想Woody好似乞衣仔咁過年，於是星期六就約左上次上門剪髮既姐姐上尼。

 

上次，我都話我和Woody都唔like短髮，今次都是好似上次咁剪，剪到個頭仔圓圓地，耳仔不用短，點知........


Woody：點解又剪到個咁短頭髮架，我都話唔Like囉，媽媽都無話要咁短。你睇下我幾sad

不過唔緊要，兩個星期後就會長番架啦，woody已經有個專屬去街袋，再練習下，我就可以帶你去街街，下次帶你去飛髮鋪去剪髮補番數，信心保證，實靚仔既

Woody : 我會比心機練習，自己入去去街袋..

增肥？

先可以令woody可以增肥D呢，係咪貴婦狗隻隻都咁識食？新Now比舊Now真係無咁香？無咁吸引？唔通又要轉糧？我已經加左多左不同肉，有雞，有鴨，有牛，有時加埋汁佢都唔願食

西冷牛，我都無得食

鴨肉

只食肉，餘下D糧

http://blog.yahoo.com/pet_boutique/articles/765021/index

唔知係咪要轉隻肥仔D既糧呢？還是兩溝兩種糧比佢呢？有冇人試過  Instinct？WDJ 就好高評分，但又未必一定好，小朋友既食糧，真係一個好大學問既課題

冬眠？

有D人話成犬一日食一餐，有D人話一日食兩餐，網上有萬千種說法，問了身邊的朋友同事，也有兩種說法。
本來，在Woody未學識自己跳上梳化時，我番工放落比佢的糧，佢會自己行去食晒，到我放工再餵一餐有肉和有糧的晚餐，咁好即是一日兩餐，相對都比較長肉。但自從佢識自己跳上梳化後，去完街回來就馬上跳上梳化 (現在佢自己係識跳番落地) ，但我相信係直到我回家才落地，因為我發現糧無食，水又好似無飲，又唔見有去尿尿，換句話說，一日就在梳化上冬眠。

我總是覺得，一日唔食野，唔飲水，唔尿尿，總是不能。但有朋友又話，肚餓，口渴，牠便會自己落地。可惜，我發現牠無咁做到，我回來餵晚餐時，發現比平時食得急，即係肚餓？

還是，我要改變要散步後回家先餵早餐，放工後再餵晚餐？但成日唔飲水，對身體又不到，但真係迫唔到，我都明白可能冬天會飲少左水。唔通佢整天冬眠就可以不吃，不飲，不柯？