開心假期第一繫：賞紅葉 (24 Dec 2013)

為了可以輕輕鬆鬆賞紅葉，我地一早食完早餐就出發了。

第一年去賞紅葉，真係好靚呀。唔係太多人，好舒服。

行下，影下，到中午我地就走luu，去食個lucnh就番屋企。要叉電，準備假期第二繫，哈哈。

四歲了

2013年11月3日(星期日)

Woody 四歲了。我有諗過買蛋糕，但佢又唔係咁鐘意食，一個蛋糕又食唔完，為左唔好浪費，只係整左半塊鴕鳥扒比佢做晚餐。

天氣咁好，當然要出去行下。今日就帶左佢出去九龍，實行大鄉里出城.... 

你睇，未出發，先興奮呀。

行下，坐下，hea下，就咁左三個鐘

番到屋企已經無咩能量... 又要叉電了

Desxe

2013年10月10日(星期四)

絕育，不絕育，這個課題，自從養左woody就周圍search資料，有一埋人贊成絕育，有一埋人不贊成，考慮了一年，終於做了決定，做吧，主要是為了身體健康，就算幾擔心，都是讓woody做這個手術。

一早帶woody去散步，食早餐，佢就開開心心跟我坐的士，天真既woody，仲以為去玩，仲未知「好戲在後頭」。

睇了醫生，做了簡單檢查，講左麻醉藥風險(聽左真係嚇死，如果有咩敏感，隨時醒唔番)，打左鎮定，陪左一陣，就要交比姑娘。姑娘話，無咩事我唔打比你，你5點尼接就可以。

點知，剛食完野番到屋企，就收到診所電話，唯有扮鎮定接電話，姑娘話woody醒左，但係唔鐘意係籠，好緊張，係咁吠。叫我早d去接佢番屋企休息。哈哈哈，真係比d姑娘嚇死...

dr mike做既手術手劫劫勢好好，傷口不大，大約1.5cm，應該好快好既。

不過兩隻手手比醫生廁剷左D毛，放便打藥同抽血，慘慘豬，唔知幾時先可以長番D毛。

這兩天，整番D鴕鳥肉比woody補番下

P.S. 醫生有問我要不要做blood test，我今次無做到，其實係咪年紀再大d就需要check 下呢？

流浪西貢

2013年10月3日 (星期四)

為了好好準備下星期的絕育手術，所以今個星期就帶Woody先去嘆番個SPA再剪個靚髮。我地10點鐘準時到達。可能係平日，日本姐姐無咁忙，親自出尼接Woody。

於是我自己可以慢慢嘆個早餐，再諗住去圖書館坐下，點知.........

 下，星期四，開12點，咁我點算..... 唯有係西貢流浪... 兩句鐘....


Woody : 我嘆緊SPA

 剪得好靚，絲帶又好靚，好鐘意紫色。

再遊CUHK

我今日又去左跑草草啦，天氣好好，無太陽又有涼風。你睇下我跑得幾開心。


比人鬧我，叫我唔好再食草喎 ~~

唔知點解個攝影師，唔影近鏡 ~~ 哈哈。

By Woody

終於搬好屋啦

終於用了一天時間，用最低能方法，剪貼剪貼，終於將yahoo blog 既文章搬左尼新屋了。今日仲收到yahoo通知，可以download番backup 檔，安樂晒了。

以後就係哩度落腳 ........ 雖然還需要時間熟習，不過我諗大家都應該好快適應o既。

加油！

搬家進行中

Woody : 我仲好忙咁執緊野，新居正在裝修中，等等我，唔該 :)

回家一週年

明天，8月24日這個日子，本來無我來說無什麼特別意思。但一年前的8月24日，Woody 闖進了我的生活，而我亦闖進了Woody 的世界。

回想起那天中午，我到了Woody的舊居，見前主人把門打開，就見到一隻樣子傻傻的小狗走出來，頭也不回就被我抱走了。和舊主人沒有多談及Woody的生活習慣，只知叫做Dolly (即係Woody的舊名字)。我覺得這個名字，不太襯也沒有用心改的一個名字，所以我決定為牠改名，重新和我一起的生活。

回想起那天，第一個晚上，只有我和牠，我緊張得成晚無訓，每隔一陣就望著訓在我床邊的牠。相反，牠好像已經好適應這個家，訓得好安心。


因為牠，我們有了好多第一次，第一次一齊食早餐，第一次一齊去行山，第一次一齊去游水，第一次一齊跑草，第一次一齊跑步。
(回家第一天)

(第一次在家剪髮)

(第一次帶你去跑草地)

(第一次去游水)

(一年後，越來越多玩具、零食、衫衫......)

每天一早帶你落街，逢星期六日帶你去食早餐，已經成為我生活的一部份，每次聽見途人、食客讚你乖，讚你得意，我都回心微笑。要感謝Woody 令我認識到一班愛狗狗的朋友和他們可愛的狗狗。

這一年，從初初的3.7kg，到現在4.2kg，我的 Woody 變得越來越可愛，越來越愛笑，我只想牠繼續快樂，健康地生活就滿足了。