Desxe

2013年10月10日(星期四)

絕育，不絕育，這個課題，自從養左woody就周圍search資料，有一埋人贊成絕育，有一埋人不贊成，考慮了一年，終於做了決定，做吧，主要是為了身體健康，就算幾擔心，都是讓woody做這個手術。

一早帶woody去散步，食早餐，佢就開開心心跟我坐的士，天真既woody，仲以為去玩，仲未知「好戲在後頭」。

睇了醫生，做了簡單檢查，講左麻醉藥風險(聽左真係嚇死，如果有咩敏感，隨時醒唔番)，打左鎮定，陪左一陣，就要交比姑娘。姑娘話，無咩事我唔打比你，你5點尼接就可以。

點知，剛食完野番到屋企，就收到診所電話，唯有扮鎮定接電話，姑娘話woody醒左，但係唔鐘意係籠，好緊張，係咁吠。叫我早d去接佢番屋企休息。哈哈哈，真係比d姑娘嚇死...

dr mike做既手術手劫劫勢好好，傷口不大，大約1.5cm，應該好快好既。

不過兩隻手手比醫生廁剷左D毛，放便打藥同抽血，慘慘豬，唔知幾時先可以長番D毛。

這兩天，整番D鴕鳥肉比woody補番下

P.S. 醫生有問我要不要做blood test，我今次無做到，其實係咪年紀再大d就需要check 下呢？

又睇醫生

7月25 號放工番到，見到 r 到耳仔流晒黃色液體，立即拿拿林打電話去book 睇Dr. mike

7月27號，先上磅磅重下先，都係keep 住3.9kg，無重，無輕，但我感覺woody多左肉，但體重就無咩變，奇怪

要食抗生素藥兩星期，再覆診。睇左醫生，無再見R耳仔。

都keep住清潔，沖涼後又抹乾水，都唔知點解又會發炎？唔通係潮濕天氣問題？上次就係2月，春天時間。

成功增磅？

新年前，耳仔都有發炎的情況，一直都keep 住用藥水抹，但情況未見好轉。於是星期六(16/2) 晨咁早就call的入西貢睇醫生，今日當值唔係dr. mike ，係一位好溫柔、好笑容既金髮靚女dr. anna。

真係好後悔點解自己唔早d帶去睇醫生，醫生姐姐話裡面已經有膿，應該已經好痛，所以要打支針(輕量類固醇) 仲要食兩星期抗生素加滴耳藥，靚女醫生千叮萬囑兩星期後一定要覆診。

食左藥，幾眼訓

  

今次磅重，有3.9kg啦，比起9月磅重時重了0.2kg，轉左wellness core細粒粒糧差不多一個月，日日都唔洗叫自己會尼開餐，又會食清光，這款糧蛋白質都高既，希望可以build up 到d肌肉，大隻番dd

嚇死

星期二，有日放工番屋企，一開門就發現地下有兩灘嘔物，心諗，死啦，無啦啦做咩會嘔，今日係屋企食左D咩呢？

但係我番尼，又好開心咁迎接我，於是抱起woody係屋企圍咁搵，睇下有無咬爛D咩，一D發現都無，細心睇，D嘔物係糧... 唔通食野時濁到嘔...又無咩心機食飯... 唔通病左...

第二日，起身見佢無咩事，落街又開心，又肯行，咁唯有暫時唔去睇醫生。我需然唔放心，但都要番工....終日心掛掛。雖然，最後都無再嘔，又食得，又玩得，但為左唔好再心掛掛，決定都係要買個cam放係度，等我可以安心番工。

 噢，有聲，有畫，woody仔你無私隱都無法啦。哈哈。

睇完醫生

今日終於帶左woody去睇醫生，磅重後，原來佢都有3.7Kg，護士姐姐話都算Ok啦。佢都算好乖，又抽血換心絲蟲，又打了3種不同預針，都無發惡，連醫生助理哥哥都讚佢乖仔。那裡的醫生、護士個個都好好人，只係比較遠左d 囉。Woody 見到d 護士姐姐，又要人抱，又錫人咁，鬼咁熱情。醫生話。耳仔都Ok，繼續keep住用舊果支消炎耳水先，用完先再看看情況，安心了。

Woody 初回家時，舊主人比人糧根本就不合Woody，所以就買了這個牌的糧比佢，香味不太濃，加左雞肉，Woody 都食，但淨得糧的時候，就好像唔係咁喜歡。可能香味唔係太吸引啦

上星期，D 糧差不多食晒，沙田間間pet shop都無這個牌子，唯有貴DD都去樓下的pet shop 啦，點知，竟然話無貨..... ，經那間pet shop 介紹左 happy dog 這個牌子溝比woody食。回家，打開包裝，嘩！！勁香，香到我都覺得有點跨張。當然，咁香，woody 一定  勁 like 啦。第二日，番到office有時間咪上網查下這個品牌係咩料，點知...........原來無咩人食架，睇埋網上教人睇狗糧成份的人話，植物蛋白的養份是不足夠毛小孩的，偏偏那個就有4x%是植物蛋白，成份又有sea salt ， 唉！樓下間 pet shop 真係唔會再幫襯，這包糧成240元架，比起一般都貴。

今天，在診所問下護士姐姐的意見，護士姐姐就介紹左wellness core 比我，又買包細啦。回家後，再仔細看看，人家成份係魚的蛋白，有34%，無salt 架喎... 打開後都聞到魚味，比起舊的香少少，大粒少少，比左少少woody 試下，係無溝糧的情況下都食晒，幾好幾好。