聖誕快樂遊

今年聖誕很特別，多了Woody仔，還得到奶茶爸爸邀請，約我和Woody去party，還細心既安排交通，又點能say no 呢。由接到邀請，到25號，每日都期待中。

 

到了大棠，嘩，陸陸續續見到好多狗仔，Woody開心到跑來跑去，除左Woody仔識左好多朋友仔之外，我自己都識左一班好好，好nice，好錫狗狗的朋友仔，真係好開心。

雖然Woody仔當日都失控，又跑出車路，差點比佢嚇死，好在架救護車慢行，再加上不停叫住先可以叫停個傻仔

個新相機還未識用，所以都無咩影到相, 不過都非常開心。希望以後可以再一齊玩

(這張相我超鐘意，要特別鳴謝比我copy的茶包，我隨團專業攝影師Alvin)

緊張大師

有個新相機，今日又偷得浮生一日閒，梗係要同woody去街街影下相，點知woody唔係咁like影相，影來影去都係側面，定係佢自己覺得側面有性格D呢？哈哈哈….

 

  

( 難得一張正面，但個樣傻下傻下咁)

唔知係咪woody細細個時無咩見到其他同類，還是佢太鍾意同狗狗玩，唔知點解每次見到其他狗，見到大隻過佢既，就有少少驚，見到差唔多大細既，唔理同鄉定其他鄉下既，都會瓜瓜叫，想沖埋去人地度。

話說，有次食早餐，有隻poodle同小牧，woody二話不說就想沖去人地度，當然都係咁瓜瓜叫，高音地叫，只是兩隻狗狗又避開佢，狗主無咩反應，我都唔係幾好意思再比佢走過去，唯有抱woody走開。當然，也遇過有些狗主都會比狗仔和woody大家識認下。

 

其實我都唔係好明，究竟佢係想去同人地玩，還是見到其他狗緊張到瓜瓜叫？可能由細到大都是得佢自己一隻，同人玩多過同狗玩，點先可以教佢見到其他狗都唔洗瓜瓜叫呢？而家，係街見到其他狗，我都盡量避免讓佢地相遇，但我知道咁唔係正確方法。但係如果人地唔願意同woody玩，我又可以點呢？

我要做型人(唔係，係型狗)

兩星期也在下雨，邊度都去唔到，咁都好啦，安排個姐姐上門剪毛，本來想剪得個頭再圓D，但因為D毛太軟，姐姐話剪唔到太圓，所以剪左lee個BB look，你地覺得點呀？仲剪左仔「貴婦腳」方便去完街可以抹腳仔嘛。

(大頭狗)

就係咁無無聊聊就上左去yahoo睇狗仔衫，嘩，估唔到買左番尼又幾靚喎，咁就唔洗去淘寶洗「人仔」咁貴啦


(Woody：我第一件衫，好鐘意，著左出街D途人成日贊我靚仔)


(斯文格仔look)


(有件雨褸，落雨去街無又怕)

(Woody：我想扮沅熊，似嗎？)

給woody的信

親愛的乖仔：

你和我生活了剛好三個月，你習慣嗎？喜歡嗎？從初見你是一個瘦骨仙，到現在已經有番少少肉，我相信你一定是開心，快樂。

我很想你知道，我是多麼的感謝你，你為我帶來無限的快樂，頭痛時，見到你，便能藥到病除。雖然，我還是小小事就大驚小怪 (第一次養狗，不要怪我吧) ，常常買了一些你不喜歡食的小食，買衫比你又買細了size，但是我想你知道，我是多麼的喜歡你。

乖乖的你，懂事的你，每朝散行回家後，陪我吃過早餐，你便回去你認為最安全的地方(床下底) 靜靜的扒在地上，因為你知道我要番工，你不想我掛心，所以不會送我出門，情願靜靜在家 等一個天黑才回來的我，但我好想你知道，每日番工我都心掛掛，放回就歸心似箭的回來，開門見到你高興的跳跳跳，我心裡是多麼的幸福。現在朋友約食飯，我都會盡量約在家附近地方，這樣我便可以快快回家見你。

你放心，可以帶你去的地方，我必定會帶你，我要你知道，我是不會放棄你的，你就放心和我生活吧。開開心心去玩你的玩具，我知道你的多些珍惜你所有的玩具，因為咁耐一件都無爛，可能你細細個時無特別多玩具吧。

以前，我只考慮買咩色，咩性別好，現在我覺得收養比買一隻小狗來得幸福。乖仔，我只想你快快樂樂，健健康康就足夠了。

非常愛你的我

嚇死

星期二，有日放工番屋企，一開門就發現地下有兩灘嘔物，心諗，死啦，無啦啦做咩會嘔，今日係屋企食左D咩呢？

但係我番尼，又好開心咁迎接我，於是抱起woody係屋企圍咁搵，睇下有無咬爛D咩，一D發現都無，細心睇，D嘔物係糧... 唔通食野時濁到嘔...又無咩心機食飯... 唔通病左...

第二日，起身見佢無咩事，落街又開心，又肯行，咁唯有暫時唔去睇醫生。我需然唔放心，但都要番工....終日心掛掛。雖然，最後都無再嘔，又食得，又玩得，但為左唔好再心掛掛，決定都係要買個cam放係度，等我可以安心番工。

 噢，有聲，有畫，woody仔你無私隱都無法啦。哈哈。

Happy Birthday to My Woody 美食篇

今日係我和woody的第一個生日，3歲了。

看了乖乖的blog，學懂整羊肉波波，就這個特別日子，就整樣特別既野比Woody食。昨天已經去買齊材料....

好像太多薯仔

整好波波形，準備煎

但可能唔係用焗爐，有D散左，得少少可以係波波形，還是唔係肉呢？哈哈，下次試下多D肉先

煮緊時已經等得不耐煩，等D肉凍，對woody來說，時間太耐。唯有比D碎左的佢食先

食呀，食呀，食完碎，再食了5粒波波，本來諗住等番D今晚食，點知，食完又問要食，終於一次過 KO 晒所有波波先肯收手

嘩，又係lam到個碗可以唔係洗咁乾淨

祝乖仔健健康康，開開心心，最緊要食得、玩得、訓得......

Woody 和我的生活

Woody 來到我的世界，都有一個月多D了，大家都習慣了對方的生活習慣，Woody 天生又乖又聰明，初初我一直擔心的問題，有些根本就沒有發生在Woody身上，例如佢唔會係屋企隨處小便mark地盤， 唔會咬電線，唔會咬拖鞋。有D必須解決的問題，例如我番工得佢一個會點呢，識唔識去廁所呢，這些問題都一一在和我生活後一星期解決，我真係好幸運亦好福幸，我能夠有Woody一隻咁乖咁善解人意既毛小孩，亦要感謝各位留言既鼓勵和教導

 (Woody : 我而家好開心，肥左又靚仔左，仲日日晨運去行街街添)

(Woody : 呢個就係我既新寵Angery Bird)



(Woody : 不過我都係最鐘意係呢度 ZZ....zzz....)

睇完醫生

今日終於帶左woody去睇醫生，磅重後，原來佢都有3.7Kg，護士姐姐話都算Ok啦。佢都算好乖，又抽血換心絲蟲，又打了3種不同預針，都無發惡，連醫生助理哥哥都讚佢乖仔。那裡的醫生、護士個個都好好人，只係比較遠左d 囉。Woody 見到d 護士姐姐，又要人抱，又錫人咁，鬼咁熱情。醫生話。耳仔都Ok，繼續keep住用舊果支消炎耳水先，用完先再看看情況，安心了。

Woody 初回家時，舊主人比人糧根本就不合Woody，所以就買了這個牌的糧比佢，香味不太濃，加左雞肉，Woody 都食，但淨得糧的時候，就好像唔係咁喜歡。可能香味唔係太吸引啦

上星期，D 糧差不多食晒，沙田間間pet shop都無這個牌子，唯有貴DD都去樓下的pet shop 啦，點知，竟然話無貨..... ，經那間pet shop 介紹左 happy dog 這個牌子溝比woody食。回家，打開包裝，嘩！！勁香，香到我都覺得有點跨張。當然，咁香，woody 一定  勁 like 啦。第二日，番到office有時間咪上網查下這個品牌係咩料，點知...........原來無咩人食架，睇埋網上教人睇狗糧成份的人話，植物蛋白的養份是不足夠毛小孩的，偏偏那個就有4x%是植物蛋白，成份又有sea salt ， 唉！樓下間 pet shop 真係唔會再幫襯，這包糧成240元架，比起一般都貴。

今天，在診所問下護士姐姐的意見，護士姐姐就介紹左wellness core 比我，又買包細啦。回家後，再仔細看看，人家成份係魚的蛋白，有34%，無salt 架喎... 打開後都聞到魚味，比起舊的香少少，大粒少少，比左少少woody 試下，係無溝糧的情況下都食晒，幾好幾好。

Easy Walk 狗帶

Woody 每次落街都會不停向前衝呀衝呀，每日都拉到係狗帶好「行」，我成日都怕會整到瘦瘦的woody。今天在網上寵物店，看到這款的狗帶，是可以訓練小狗不再衝呀衝，可以乖乖地行街街，係咪真係有用架呢？有冇人試用過？值得買嗎？


Mack Sir 介紹Easy Walk Harness：一般胸背帶的牽繩是扣在狗狗背部，可是由於力點在背部，不能讓狗狗停下來。 Easy Walk Harness 的牽繩扣設計在前胸帶上，當牽繩拉緊時，小環圈會拉近兩側的胸帶，阻止狗狗向前衝。由於 Easy Walk Harness 配戴的位置在狗狗的胸骨下方，因此拉緊牽繩時，不會造成狗狗咳嗽或窒息的情況。

參考片段：

http://www.youtube.com/watch?v=1QEM9zl4ngs&feature=player_embedded

資料來源:http://www.mackdogtraining.hk/Q%26A.html

Woody 扮靚後

上星期日(16/9/2012)，找了一位上門幫寵物剪毛的姐姐來幫Woody仔剪毛，未知是不是那位姐姐過於粗魯，還是Woody 唔習慣剪短左 D 毛，剪毛後這幾天特別嗲，少了笑臉。但見牠食得，玩得，訓得，應該無咩問題掛。希望你快D開心番啦，乖仔

(扮靚前)

 (扮靚後)

狗袋的疑惑

一個狗袋的大小，長度應該是狗仔的身長，但高度，應該是狗仔企係度的高度，還是坐係度的呢？因為woody仔入左袋，一咩上身就唔坐，要企係度，加上我這個狗袋又唔是硬淨的那款，好難先咩到佢落街....

點解？

買了個狗廁所後五天後，Woody 仔終於會在用這個狗廁所，但不知為何，牠每次只用一次，之後就會係廁所地下或廚房地下去解決。唔有係咪牠太清潔？點先可以令佢多次使用個廁所和尿墊，用一次實在太浪費了，哈哈。

我用了消毒藥水洗地後，何解woody仔咁叻都會聞到自己陣氣。還有咩方法可以騙過佢靈敏的鼻了？我不太想woody在廚房解決，始終都是煮食地方嘛

喜歡乾淨的woody

昨天發現，原來woody每去一次尿尿後，就不會再係濕的尿尿上再去，所以昨天回家後，發現尿尿一直延至廁所門口，我諗我應該要買一個有格板的狗廁所和尿墊比woody了。還有，奇怪的是，當我放假在家時，牠不多尿尿和便便，但無人在家時，就會去，何解牠咁懂事但Woody我想你知，我是不介意你係屋企廁所去尿尿的，乖仔。

係啦，邊隻尿墊，又平又正架呢？ 

新生活

乖乖Woody好像已經完全投入牠的新生活，新的家。再無恐懼。現在我可以放心上班，放工回家就可以見到乖乖的Woody。謝謝大家的支持。

買了一個新的狗袋，唔知點先可以練習到牠不再怕入袋呢？因為之前主人給我的狗袋，Woody好細

感恩

2012年8月28日，Woody 來到我的世界第五天，今早起身我又再懷著戰戰驚驚的心情，未知我今日出門番工時會點呢？

真的要感恩，今日當Woody食飽，落街行一轉，再到我食過早餐後，我就和牠說：我番工啦。哈哈，牠當然立即彈起身，眼定定的望著我，牠見我準備就好出門，就靜靜的坐下。我見牠這樣的安靜，再在牠耳邊低聽說：乖仔，我番工啦，乖乖自己係屋企。放工番尼搵你。為了讓牠明白我講咩，我重覆說了三次。咦...........Woody仍坐著不動，心想，唔通佢已經明白我？到我再步向大門，開門離開時，Woody再無走出來門口，再無聽到牠的叫聲。

今日，牠明白了，我放心了。

所以急不及待要寫下我的心情

*****************************************************************************************************************************************************************************

今日見woody咁乖，放工就去買了個玩具比佢，哈哈，你睇下佢幾like個新玩具。

(玩到唔放口)

星期一，要上班

2012年8月27日，Woody 來了的第四天，今日比平日早起了半小時，為了可以整好Woody的早餐和帶牠到樓下行個圈，回家後，才到自己食早餐，為了讓牠知道我不是立即離家。出門口的時間到了，我照舊開了收音機，和牠說：姐姐要番工了，你自己係屋企啦。Woody眼定定的企係度望住我，無再好似昨日咁摸過呢，我慢慢走近大門，E..... Woody無撲過尼，我慢慢關門了。站在門外的我，聽到Woody今次只叫了幾聲，聽見佢走左入房。放心了，牠開始明白我要番工，放工之後就會回來。我未入電梯，就無再聽見佢叫。牠真的聰明，一天比一天明白我的說話

非常感謝大家的鼓勵和十卜，對第一次養狗的我，你地每一個鼓勵都令我非常感動，多謝。

(非常愛睡的Woody)