為了我的乖仔可以走圍去再唔洗屈蛇或的士出入，終於報左名，都知道這間學院出名貴，為左合格率高，考試路線比出面容易無咁繁忙，希望可以一剔 pass。
報名時本來都一心諗住用日本車，但都擔心自己身高問題，日本車又大架又長，恐怕唔係咁容易控制。所以上完第一堂理論課後就求阿sir比我坐上車試下。哈哈，估唔到真係「以客為本」又比我坐上車試下喎。
坐到上去，先坐日本車，嘩！死得，真係車頭車尾咩都睇唔到，「車太」又唔能夠降落，路都睇唔清，點有信心pass。再坐上加歐洲細車上，嘩，真係唔同D，「車太」又可以降，椅又可以升。加上車仔細，無頭無尾，起碼都信心D，唯有加錢轉加歐洲細車仔啦。
希望暑假可以由學神變為P牌仔，咁夏天我地就可以走圍去玩luu
沒有留言:
發佈留言